S 799
A.D. 974 (Bath, Pentecost). King Edgar to Wulfthryth, abbess, and Wilton Abbey; confirmation of privileges and land including land at Chalke, Wilts. Latin.
Archive: Wilton
MSS: BL Harley 436, 87v-91v (s. xiv)
Printed: Mon. Angl., ii. 865-6; Hoare, Reg. Wilton, pp. 49-50; K 585; Mon. Angl. (rev. edn), ii. 325-6 (no. 8); B 1304.
Comments: Hoare, Modern Wilts., ii. 85-6; Finberg, ECW, no. 312, authentic; Whitelock 1966, p. 101, spurious, incorrect date and regnal year for Edgar's coronation; HRH, p. 231, ? spurious; Pelteret 1995, pp. 283-4.
Þis his seo freols boc to Cheolcan : and ealra ðare landa ðe in to ðæ mynechina life æt Wiltune for gifene synt ; aðer oððe ðurh Eadgar cynge : oððe ðurh his yldran : oððe ðurh oðere riht ge lyfede men : 7 eac fore ge bod. ðæt of nanum oðrum mynstre ne sy abbadisse ge coren æfter oðere forðsiðe buton of ðære sylvan ge ferræde : ne æfter Godes ge cornnysse : 7 ealles geres mid cinges geðeahte eal swa se halga regul tæcð .
In nomine domini nostri Jhesu Christi salvatoris cosmi .
Magnificentia concessionis divine sensibili nos instruens mentis devotione ad bona feliciter agenda quatinus subrigamur instigat cotidie . cupiens clementi pietati extemporaliter nobis indultis reditibus versa vice quo ipsius sponsam ecclesiam videlicet orthodoxam certemus polite decorositatis munere exornare . In cujus amplificatione sanctus Deus gaurizans letatur permaxime . Et enim dum pro modulo uniuscujusque possibilitatis . manente incolumitate corporis . in huius operatione studii fas sit operam dare curaque omnimodis . precipue plaudente devotione interioris hominis qui secundum Deum diatim renovatur in agnitione deifice veritatis agendum est nobis . quos domini Jhesu salutaris dignatio solio sublimavit imperii regalis . atque digne concessit quo manentia adipisceremur premia ex collatione terrene potestatis .
Perpendens siquidem ego Eadgar . sceptrifero dispositionis jure tocius Brittanici orbis basileus juxta Salomonici verbi edictum . generationem instantem ad ima delabi . eandemque humanitus reparari . agnoscensque circa nos quanta divinitus previsio maneat benigni Dei . ejus multiplici inspirante clementia sum provocatus . quatinus presente caterva cunctorum nostri regni primatum sanctificatione principali sacratus . Et sacri unguinis infusione fierem delibutus . ut ex materiali infusionis munere munimen et subsidium proveniret benedictionis calice . Quod etiam actitari in famore celebritatis urbe placuit serenitate nostre . cui ab aquis calentibus Baðan dudum est impositum vocabulum . ipso videlicet revolutionis die quo celis spiritus sanctus adveniens . cenaculo residentibus apostolis diversa dona carismatum dignatus est ministrare . Unde nunc et deinceps comperiat omnis sexus omnis etas . omnisque conditio principalitatem nostram gratanti dapsilitate qualiter cenobium quod ab atavo meo Edwardo Rege videlicet in celebri loco qui a solicolis noto Wiltun vocatur nomine situm est eliminatis inde earum spurcitiis que Deum irritare potius quam digno videbantur cultu venerari cuidam venerabili abbatisse Wulfþryð nomine libens cum omni mentis alacritate commendare atque perpetuo libertatis privilegio cum Cheolca . ceterisque eodem rite pertinentibus prediis letabundus beare decrevi .
tribus exceptis expedicionem portis arcisve constructionem .
Sic inconcussa huius privilegii maneat libertas quatinus dum sors inreparabilis extreme hore mundo exemerit abbatissam provisoremque ipsarum vite . illis quam potiorem in sanctitatis honestate reppererint ex ipsis matrem sibi liceat substituere nec sit extra consensus illarum scientiam . qui huic nostre immo deifice constitutioni aliquando conetur rebellis contrariusque existere . At si quem prophanum Deoque odibilem ita melancolne virus obsederit penitus . ut huius liberalitatis nostre munimento hinc inde malit fieri adversarius . ab omni sanctitatis coetu disparatus Flegetontis penas luens sit jugiter misserimus . Intra semet ni reversus fuerit quam citius . emendando prava cordis molimina devotus . Filius autem matris ecclesie vires augmentando prebens in hac constitutione . illud capessat benedictum quod precurrens derivatur de montibus collium supernorum . letus vitam degens sic in istam . quatinus sumat supernam .
Hec quidem et laudanda constat fore peracta largitio . dominice incarnationis DCCCCLXXIIII . anno . Imperii nobis adeo collati anno XV . procreatus matris alvo quarto et tricesimo . eorum confirmatione quorum inferius enarihtmata liquescunt caraxata ;
Ego Eadgarus rex Anglorum prefatam donationem sub sigillo sancte crucis indeclinabiliter consensi atque roboravi .
Ego Dunstanus Dorobornensis ecclesie archiepiscopus ejusdem regis principatum et benivolentiam sub sigillo sancte crucis conclusi .
Ego Oswald archons divine servitutis offitio mancipatus Eborace civitatis archiepiscopus sigillum sancte crucis impressi .
Ego Aþelwold Wintoniensis ecclesie episcopus testudinem sancte crucis subscripsi et confirmavi .
Ego Aelfstan Lundoniensis ecclesie episcopus corroboravi .
Ego Wynsige episcopus consensum prebui figens crucem .
Ego Aelfstan Wiltuniensis ecclesie episcopus donum regis confirmavi .
Ego Alfwold episcopus crucis vexillo corroboravi .
Ego Brihtelm episcopus confirmavi vexillum crucis .
Ego Sideman episcopus crucis modum depinxi .
Aelfric abbas .
Aescwig abbas .
Osgar abbas .
Cyneweard abbas .
Aeþelgar abbas .
Aelfnoð abbas .
Aelfheah abbas .
Erihteah abbas .
Godwine abbas .
Osweard abbas .
Aelfhere dux .
Islac dux .
Aeþelwine dux .
Beorhtnoð dux .
Hanulf minister .
Aelfweard minister .
Aeþelweard minister .
Welfsige minister .
Wulfgeat minister .
Aelfhelm minister .
Osweard minister .
Ealdred minister .
Wulfgar minister .
Leofwine minister .
Beorhtwold minister .
Aelfric minister .
Wulfric minister .
Crihtric minister .
Leofa minister .
Aelfstan minister .