S 644
A.D. 957. King Eadwig to Huna; grant of 4 hides (mansae) at Lym. Latin.
Archive: Glastonbury
MSS: 1. Marquess of Bath, Longleat, 39, 189r (s. xiv)
2. Bodleian, Wood empt. 1, 212v (s. xiv)
Printed: B 995 ex MS 2; Watkin, Glastonbury Cart., iii. 578 (no. 1063) ex MS 1.
Comments: Finberg, ECDC, p. 11 (no. 27); Keynes 1980, p. 62 n. 110, on formulation; Abrams 1996, pp. 29, 36, 29, on MS sources, pp. 155-7, estate probably at Colway in Lyme Regis, Dorset.
Carta regis Edwy facta de Lym .
In nomine Dei omnipotentis patris et filii et spiritus sancti . Amen .
Adam Dei omnipotentis nutu protogenes ex informi materia creatus , in eodemque præcepto trinæ simplicitatis custodito , sine alicujus elementi perturbatione feliciter collocatus , culpa prævaricationis inventa exinde pariter expulsus , in has ærumpnosas orbis plagas , sicuti modo in suis postgenitis apparet , usque ad termini sui calcem mirabiliter vivens mortem minatam persolvit , et ad inferos pænas luens decendit , ac deinde ejusdem dicti protogenis ampla innumerabilique per diversa quinque tonarum liniamenta pullulante prosapia , non solum in patriarchis et prophetis verum etiam et in regibus cum cæteris diversi ordinis conditionibus , idem crimen eademque pæna quasi per debitum primæ prævaricationis ad operandam extunc naturaliter iniquitatem omnes jure constrinxit , quousque dominus noster Jhesus Christus Dei filius idemque hominis filius hiis humaniter Deo gratias subvenit specie inmortalitatis attribuens et vitam post hanc mortem resurgendo permittens .
Quapropter ego Edwy largiflua summi tonantis providentia rex Anglorum et cunctigenarum Albionis populorum meæ amantissimæ necnon præ omnium anelantium generis humani dilectissimæ Hunan nota vocamine partem cujusdam telluris concedo in hereditatem perpetuam in loco ubi a ruricolis denominatur at Lym . quatuor mansas cuicumque heredi licentiam tradendi habeat post se attestantibus pontificibus etiam et optimatibus quorum vocabula in hoc designantur privilegio .
Interea vero ipsa terra præfata ab omni censu regali sit libera
præter expeditione contra hostes et renovationem pontis arcisve .
Hoc siquidem factum est anno ab incarnatione dominica . DCCCC LVII . Indictione . XIIII . anno mei imperii quarto .
Si quis tam credulus et tam perversus erit qui hanc cartam infringere conaverit iram sanctæ trinitatis incurrat , et a consortio omnium sanctorum sequestratus appareat et cum Juda traditore partem pænalem per ævum possideat .
+ Ego Edwi rex Anglorum Saxonum hoc donum cum triumpho agiæ crucis impressi .
+ Ego Elfinus præsul confirmavi .
+ Ego Brithelm pontifex consignavi .