S 426
A.D. 934 (Buckingham, 13 Sept.). King Athelstan to Æthelhelm, his faithful minister; grant of 15 hides (cassatae) at Kingtone (? Kington St Michael, Wilts.). Latin.
Archive: Glastonbury
MSS: 1. Marquess of Bath, Longleat, 39, 203r (s. xiv)
2. Bodleian, Wood empt. 1, 235rv (s. xiv)
Printed: K 365 ex MS 2; Mon. Angl. (rev. edn), i. 59-60 (no. 130) ex MS 2; B 704 ex MS 2; Watkin, Glastonbury Cart., iii. 650 (no. 1203) ex MS 1.
Comments: Jackson 1858, pp. 36-7; Darlington 1955, p. 96; Finberg, ECW, no. 238, authentic; Bullough 1972, p. 472 n. 39, on Latin vocabulary; Keynes 1980, p. 44 n. 78, on formulation; Sawyer 1983, p. 291, on meeting-place; Keynes 1988, p. 186 n. 4, product of 'Æthelstan A'; Abrams 1996, pp. 30, 35, 39, on MS sources, pp. 149-51, on estate, p. 167, on beneficiary.
+ Fortuna fallentis sæculi procax non lacteo inmarciscibilium liliorum candore amabilis . sed fellita hejulandæ corruptionis amaritudine odibilis foetentis filios valle in lacrimarum carnis . rictibus debacchando venenosis mordaciter dilacerat . quæ quamvis arridendo sit infelicibus adtractabilis Acherontici ad ima Cociti ni satus alti subveniat boantis . impudenter est decurribilis . et ideo quia ipsa ruinosa deficiendo tanaliter dilabitur . summopere festinandum est ad amoena indicibilis lætitiæ arva . ubi angelica ymnidicæ jubilationis organa . mellifluaque vernantium rosarum odoramina . a bonis beatisque naribus inestimabiliter dulcia capiuntur . sineque calce . auribus clivipparum suavia audiuntur . Cujus amore felicitatis illectus fastidiunt jam infima dulcescunt superna eisque pro percipiendis semperque specie indefectiva fruendis Ego Ethelstanus rex Anglorum per omnipotentis dexteram totius Britanniae regni solio sublimatus quandam telluris particulam meo fideli ministro Athelmo id est quindecim cassatarum in loco quem solicole at Kingtone vocitant libenter tribuo . Ut ille eam . sine jugo exosæ servitutis . cum pratis . pascuis . silvis . rivulis omnibusque ad eam utilitatibus . rite pertinentibus . quamdiu vivat habeat , et post suæ decessionis transitum . cuicumque voluerit heredi liberaliter ac æternaliter contradendo imperpetuum derelinquat . Si quis autem quod absit , aliquis tipo supercilii turgens hanc meæ donationis breviculam , in modicis sive in magnis elidere vel infringere temptaverit sciat se novissima examinationis die classica archangeli clangente buecina , cum Juda proditore qui a satoris pio sato . 'filius perditionis' dicitur impiisque et infidelibus Judæis Christum ore sacrilego in ara crucis mundi diluentem crimina blasphemantibus , aeterna confusione , edacibus favillantium tormentorum flammis periturum .
Huius namque a Deo dominoque Jhesu Christo inspirate atque invente voluntatis cedula anno dominice incarnacionis .dccccxxxiiii. indictione septima epacta . xiiii . concurrente . ii . idus Septembris luna . xxix . in villa que Bukingham dicitur tota magnatorum generalitate sub ulnis regie dapsilitatis ovanti perscripta est cujus etiam inconcusse primitatis auctoritas hiis testibus roborata constat , quorum nomina subtus deputata annotantur .
+ Ego Æðelstanus singularis privilegii ierarchia praeditus rex huius acumen indiculi cum signo sanctae semperque adorandae crucis , corroboravi et subscripsi .
+ Ego Constantinus subregulus consensi et subscripsi cum multis aliis .