S 1566
Bounds of Oundle, Northants. English.
Archive: Peterborough
MSS: London, Soc. Ant., 60, 50r (s. xii med.; Foard 1991, p. 180)
Printed: B 1129.
Comments: PN Beds., p. 9; PN Worcs., pp. 107-8; PN Northants., p. 213 n.; Hart, ECNE, no. 32; Hart 1990, pp. 20-3; Foard 1991; Hart 1992, pp. 150, 169-76, rejects Foard's interpretation.
Þis sint þa land ge mæro to Undelan . Ærest æt cylles ege suðeweardan scytanlacu of nyn æt cweorn welle . þonne lit it 7lang þere lace þat it cymð eft on nyn . þonne gæd it þer up on ge rihte ofer þet yredland foran on gean þa ealdan dic . 7 siððan up 7lang dic oð hit cymð to wuda . þonne a be wyrt walan oþ hit cymð to þere ealdan rode . þonne 7lang rode þat it cymð ut on ciricfeld . 7 swa be wyrtwalan þat it cymð eft to þere rode 7 þonne eft 7lang rode þæt it cymð ut on beringa feld . þonne be wyrtwalan oð hit cymð nyðer on þæt slæd to þam litlan broce . 7 swa norð ofer þone broc . 7 syððan norð be wyrtwalan to þere bradan rode . 7 þonne æst 7lang þere bradan rode oð hit cymð to fildena forda '7 of fildena forda' 7lang broches oð hit cymð eft to anum oþeran forda mon hæt eac filden ford þonne of þem fildena forda þat it cymð on lytlan sandlege easte wearde 7 of þere leage on ærnulfes wylle þat it cymð on bradan leage middewearde . þonne þonan on þet ealde fyllet þonne 7lang þes fylletes þat it cymð est ut of wuda . þonne fehþ it þer on feld . 7 swa 7lang anre hycgan oð hit cymð ofer ænne fulne broc . 7 swa on ge rihte on þone heþenan byrgels of þon heþenan byrgelse on ge rihte on anes wylles heafod . 7 siððan 7lang þes broces oð hit cymð eft on þa ea æt nyn . 7 þat land on beringa feld swa swa hit is mid land ge mærum . liggæð into Vndelan .