S 1457
? A.D. 980 x 987. Account of the acquisition by the bishop of Rochester, on behalf of St Andrew's church, of land at Bromley and Fawkham, Kent, in compensation for the theft of the title-deeds of Snodland, Kent. English.
Archive: Rochester
MSS: Maidstone, Kent Archives Office, DRc/R1 (Textus Roffensis), 162v-163v (s. xii1; facsimile)
Printed: Hickes, Diss. Epist., pp. 114-15; K 1258; Thorpe, pp. 264-6, with translation; Essays, pp. 347-49, with translation; B 1296; Robertson, Charters, no. 59 (pp. 122-5), with translation; Campbell, Rochester, no. 36; Davies and Fouracre 1986, p. 264 ex Campbell.
Comments: Wallenberg, KPN, p. 301, on place-names; Robertson, Charters, pp. 365-7; Campbell, Rochester, pp. xx-xxii, xxiv-xxv, on estate history; Keynes 1980, p. 34 n. 59, cited; Kennedy 1985, pp. 182, 184, on legal background; Wormald 1986, pp. 157-61, on dispute; Wormald 1988, nos 45-6; Keynes 1992, p. 68, on legal background; Kennedy 1995, pp. 153 n., 167, 172 n., on legal background; Flight 1996.
Þus wæron ða land . æt Bromleage . 7 æt Fealcnaham . þam cinge Eadgare gereht . on Lundenbyrig . ðurh Snodinglandes landbec . ða þa preostas forstælon þam biscope on Hrofesceastre . 7 gesealdan heo Ælfrice Æscwynne sunu . wið feo dearnunga . 7 heo Æscwyn Ælfrices modor sealde heo ær ðiderin . ða geacsode se biscop þæt ða becc forstolene wæron . bæd þara boca ða geornlice . under ðam þa gewatt Ælfric . 7 he bæd ða lafe syððan . oð man gerehte on cinges ðeningmanna gemote ðære stowe 7 ðam biscope ða forstolenan becc Snodiglandes . 7 bote æt ðære ðyfðe . þæt wæs on Lundene . þær wæs se cing Eadgar . 7 se arcebiscop Dunstan . 7 Aðelwold biscop . 7 Ælfstan biscop . 7 oðer Ælfstan . 7 Ælfere ealdorman . 7 fela cynges witena . 7 man agæf ða into ðære stowe ðam biscope ða becc . ða stod ðara wydewan are . on ðæs cinges handa . Ða wolde Wulfstan se gerefa niman þa are to ðæs cinges handa . Bromleah . 7 Fealcnaham . ða gesohte seo wydewe ða halgan stowe . 7 ðane biscop . 7 agæf ðam cinge Bromleages boc . 7 Fealcnahames . 7 se byscop gebohte ða becc 7 ða land æt ðam cinge on Godeshylle . mid fiftigan mancesan goldes . 7 hundteontigan . 7 ðrittigum pundum . þurh forespræce . 7 costnunge . into SanctE Andrea . siððan ða lefde se biscop ðare wydewan . ðara lande bryces . under ðam ða gewatt se cing . Ongan ða syððan Byrhtric ðare wydewan mæg . 7 heo to ðam genedde þæt hy brucan ðara landa on reaflace . gesohtan ða ðane ealdorman Eadwine . 7 þæt folc ðe wæs Godes anspreca . 7 geneddan ðane biscop be ealre his are agiftes ðara boca . ne moste he beon þara ðreora nanes wyrðe ðe eallum leodscipe geseald wæs on wedde . Tale . ne teames . ne ahnunga . Þis is seo gewitnesse ðæs ceapes . Eadgar cing . 7 Dunstan arcebiscop . 7 Oswald arcebiscop . 7 Aðelwold . biscop . Æðelgar . biscop . 7 Æscwi . biscop . 7 Ælfstan . biscop . 7 oðer Ælfstan . biscop . 7 Sideman . biscop . 7 ðæs cinges modor Ælfðryð . 7 Osgar . abbod . 7 Ælfere ealdorman . 7 Wulfstan on Dælham . 7 Ælfric . on Ebbesham . 7 seo duguð folces on Westan Cænt . þær þæt land . 7 þæt læð tolið;