S 10

A.D. 689 (Canterbury, 1 March). Swæfheard (Suabhardus), king of Kent, to Æbba, abbess (of Minster-in-Thanet); grant of 44 hides (manentes) in Sudaneie in Thanet, and 12 hides in Sturry, Kent; with confirmation by Æthelred, king of Mercia, A.D. 691 (? Marefield and Stapleford, Leics., 8 January). Latin.

Archive: Canterbury, St Augustine's (ex Minster-in-Thanet)

MSS: 1. Cambridge, Trinity Hall, 1, 48v-49r (s. xv)
2. BL Cotton Jul. D. ii, 85rv (s. xiii)
3. PRO E 164/27, 76v-77r (s. xiii)

Printed: Lewis 1736, pp. 56-7, ex MS 1; K 14 ex MS 1 etc.; Hardwick, Elmham, pp. 232-4, 237, ex MS 1; B 42 ex MS 1 etc.; Kelly, St Augustine's, no. 40, ex MSS 1, 2, 3; Morris 1995, pp. 118-20, ex B.

Comments: Stevenson 1904, p. 220; Stevenson 1914, p. 703, seems to be genuine; Turner 1915, pp. xxxv-vi, xxxviii-ix; Stenton 1918, pp. 436, 437 nn. 19, 20, authentic, but dating clause inconsistent (= Stenton 1970, pp. 51, 52 n. 1); Wallenberg, KPN, p. 10, on place-names; John 1960, pp. 26, 50, 53; Vollrath-Reichelt 1971, pp. 125-9; Harrison 1973/1, pp. 554-6, on dating clause; Cox 1976, pp. 25, 26, 27, 42, on place-names; Harrison 1976, pp. 69-70, 144-5, on dating; Whitelock 1976, pp. 142-4, on date; Whitelock, EHD, p. 18 n., on date; Scharer 1982, pp. 77-83, spurious but with some genuine elements; Brooks 1984, p. 77; Wormald 1985, p. 25, broadly trustworthy; Kelly, St Augustine's, pp. ci-iii, 141-6, not authentic in its present form, but based on genuine seventh-century documentation. The inconsistent dating elements in MS 1 are the result of later medieval revision; the readings in the earlier MS 3 are entirely consistent.

In nomine Domini nostri Iesu Christi saluatoris. Ego Suebhardus rex Cantuariorum, anno secundo regni nostri, indictione secunda, sub die kalendarum Martis, cum consilio uenerabilis archiepiscopi Theodori atque consensu primorum meorum sed et cum consilio quoque ac consensu patris mei Sebbe regis, terram que dicitur in Sudaneie intra insulam Tenet, que et continet antiquo iure .xliiii. manentes, quibus modo addimus curtem .xii. manentes habentem ultra insulam in loco qui dicitur Sturgeh, cum siluis et paludibus, cum fluminibus et fontibus, cum pratis et pomariis, cum domibus cunctisque utensilibus et omnibus ad eandem pertinentibus rebus, in ipsa quantitate sicut antiquitus principes a regibus sibi perdonatam habuerant, Æbbe abbatisse iure ecclesiastico ac monasteriali et quibuscumque successoribus ipsa uoluerit derelinquere tantum in domino in sempiternum possidendam perdonamus, ita ut nec nobis nec aliquibus successorum nostrorum regum siue principum aut etiam ecclesiasticarum dignitatum gradibus nefario temeritatis ausu aliquando infringere uel deminuere aliquid de ea liceat, sed pro remedio anime mee et absolutione peccatorum meorum ita ut predixi famulis Dei perdonata absque aliqua lesione in euum permaneat. Hec autem terra antea per Hlotharium et Edricum reges Cantuariorum tantum accommodata sub dominio famulantium Deo iacebat. Postea autem a Mulo rege regnum Cantie optinente perdonata est in ius ecclesiasticum Æbbe abbatisse .xliiii. manentes, comparante ab eo ipsa sua pecunia digna, ex quibus sunt intra insulam Tenet .xliiii. manentes, extra autem eam insulam .x. manentes sunt, in his regionibus que hoc modo nominatur, id est in Sturige et ut nos solemus dicere ad aquilonis siluam ubi dicitur Maeccanbrooc. Igitur hanc terrarum prescriptarum largitionem, non solum pro pecunia quadam siu propinquitate sed mercede quoque ab omnipotente Deo, Eabbe abbatisse eternaliter possidendam contradimus et confirmamus. Hanc autem donationem meam cum consensu et uoluntate precellentissimi regis Edilredi fecimus. Quisquis autem heredum successorumque meorum regum Cantie uel si quilibet secularium dignitatum aut ecclesiasticarum de supradicta donatione, quam pro eterna remuneratione anime mee omnipotenti Deo ad utilitatem famulantium ei in ius monasteriale constat esse largitam, aliquid disrumpere aut immutare uel irritum facere temptauerit, sciat se sine dubio omnipotenti Deo fraudem facere et proinde coram eo et sanctis angelis eius eterno anathemate reum. Quicumque uero hec que largita prediximus sub pia protectione custodierit uel pro Dei intuitu misericorditer auxerit, sit benedictus in secula audiatque in die nouissimo tremendi examinis ab ipso iudice omnium Christo Domino eterne benedictionis uocem, 1?Uenite benedicti patris mei, percipite regnum quod uobis paratum est ab origine mundi, manentem igitur hanc cartulam in sua semper firmitate, cum religiosis testibus signo dominice crucis in hoc loco qui dicitur Dorouernis stabiliter in euum confirmamus.

+ Ego Sueaberdus rex Cantie suprascripta signo sancte crucis per propriam manum roboraui.
+ Signum manus Gumbercdi.
+ Signum Gebredi.
+ Signum Osfridi.
+ Signum Verbaldi.
+ Signum Hagona.
+ Signum Egisan.
+ Signum Bernhardi.
+ Signum Sebbe regis.
+ Signum Ecce.
+ Signum Raban.
+ Signum Albercti.
+ Signum Gudhardi.
+ Theodorus gratia Dei archiepiscopus subscripsi.
+ Ego Adrianus abbas subscripsi.
+ Ego Osuuini propria manu subscripsi.
+ Signum manus Ædilredi regis Merciorum dum ille adfirmauerat terram nostram in hoc loco erat qui dicitur Mirafeld atque Stapulford, anno ab incarnatione Christi .dcxci., indictione .iiii., .viii. die mensis Ianuarii, prima feria.

1 Matt. xxiv: 34